Hurtigsjakkturneringa hadde sine siste rundar førre torsdag, i dag er siste runde i langsjakkturneringa, velkomne alle! Før runden startar tar vi ei avstemming om dei to siste torsdagane skal vere Fischersjakk som det står i programmet, eller om vi skal erstatte dei med hrtigsjakk.
Forfatter: Sigurd Tjelmeland
No er det hurtigsjakk i Løperen!
I dag torsdag 4 mai er det nye rundar i vårens hurtigsjakkturnering. Den er ikkje FIDE-rata, og derfor eit meir uhøgtideleg forum for sjakk, gunstig spesielt for nye medlemmer. 3 rundar med 15 minutt pluss 10 sekund per trekk. Alle er hjarteleg velkomne. Etter 17. mai er det ført opp to torsdagar med Fischersjakk. Nokre har teke til orde for at interessa for Fischersjakk ikkje er så glødande som først anteke. Det kunne vere eit alternativ å erstatte den med hurtigsjakk. Meiningar om dette til meg i mail (sigurdtjelm@gmail.com) eller på sms (95746021).
Langsjakkturneringa runde 6: Ruben sig ifrå
Det ser ut til at Ruben seglar i maksver mot turneringssiger etter å ha vunne 6 på rad på imponerande vis. Vi var 5 bord og hadde eit kortvarig men hyggeleg besøk av Marek frå Polen. Resultatliste.
I morgon (torsdag 27. april) er det langsjakk igjen!
Vi alternerer mellom hurtigsjakk og langsjakk, og i mrogon er det det meir alvorlege formatet med FIDE-rating som gjeld. Eitt parti, 90 minutt ploss 30 sekund per trekk. Velkomne!
Styremøte 20042023
Vi har nettopp hatt styremøte. Hovudsakeleg for å evaluere vår eksterne innsats, men vi såg også på nokre andre saker. De finn referatet ved å gå til For medlemmer -> Styremøter og årsmøter. For medlemmer er passordbeskytta. Send ein SMS (95746021) eller mail (sigurdtjelm@gmail.com) til meg, så skal eg sende dykk det. Det hadde vore kjekt om fleire medlemmer ville fylgje med i kva styret balar med. Helsing Sigurd
Hurtigsjakken: Morten og Ruben i delt leiing
Etter at Ruben gjekk ned mot Olexandr, er no Morten og Ruben i delt leiing, med Vasco på tredjeplass. I går var vi 8 bord. Vi ynskjer spesielt Lilya, opprinneleg frå Ukraina, hjarteleg velkomen klubben. Resultatliste.
Er det nokre i Løperen som vil hjelpe til under Bergen Spillfestival?
Bergen Spillfestival går føre seg i tidsrommet 27 juli til 13 august. Mellom anna er det aktivitet på Torgalmenningen 2-6 august. Primus motor Ole Valaker spør om det er nokre frå Løperen som vil vere med og hjelpe til under arrangementet. Dette er eit godt høve for oss i Løperen til å kome ut av hola og møte det større sjakkmiljøet i Bergen. Dei som vil vere med og hjelpe til kan sende ein mail til Valaker, ole.valaker@gmail.com, gjerne med ein kopi til meg, sigurdtjelm@gmail.com.
Runde 5 i langsjakken: 5 bord og Ruben held koken!
I runde 5 vann Ruben igjen. Vi merkar oss at Vasco held andreplassen. Vi ynskjer spesielt Adrian velkomen i klubben. Resultatliste.
Morten held stand i hurtigsjakken (og i påsken er det ikkje kafesjakk)
Morten er fortsatt i leiinga i hurtigsjakkturneringa, sjølv om Ruben viser form og med tre strake i går tok kraftig innpå. Vi ynskjer spesielt Oleksandr frå Ukraina velkomen. Han vil få mange fine stunder i Løperen framover! Resultatliste. I påsken tek vi heilt fri. Det vert ikkje turneringsspel på skjærtorsdag og det vert ikkje kafesjakk på tysdag.
I morgon (torsdag 30 april) er det hurtigsjakk!
Vi held fram med alterneringa mellom langsjakk og hurtigsjakk og i morgon er det det korte formatet. Det vert 3 rundar i den pågåande hurtigsjakkturneringa. Dette er eit meir uhøgtidleg opplegg enn langsjakken, fordi hurtigsjakkturneringa ikkje er FIDE-rata. Velkomen også til dei som bare vil stikke innom og prøve ut kva dette er.
Runde 4 i langsjakkturneringa: Ruben har gjort reint bord
Det var 5 bord i runde 4 og med siger over Helge har Ruben til no gjort reint bord. Vil det halde fram? Vi ynskjer nye Håvard Haukeland hjarteleg velkomen i klubben. Resultatliste.
Turnering for ukrainarar i Bergen!
Harald Fuglseth i Løperen har arrangert turnering for ukrainarar i Bergen i samarbeid med den ukrainske foreninga. Det var 10 deltakarar og stor iver. Vi vonar å sjå fleire av deltakarane i sjakkmiljøet i Bergen framover. Velkomne skal dei vere! Resultatliste.
Harald tok Fischersjakken!
Det vart bare to rundar den siste kvelden med Fischersjakk på grunn av årsmøtet. Harald vann i begge rundar og er klubbmeister i Fischersjakk for 2023. Resultatliste. Årsmøtet bestemte at det i vårhalvåret vert annankvar torsdag med hurtigsjakk og langsjakk, startande tirsdag 2 februar med hurtigsjakk. Vi ynskjer Hans Jacob, Vasco og Merry velkomne til klubben og lovar dei mange gode stunder på torsdagskveldane framover. Meir om årsmøtet litt seinare.
Toralv tok den første Fischersjakken!
Toralv vann alle partia og tok den første omgangen av Fischersjakkturneringane i januar. Vel møtt til neste omgang (etter årsmøtet er ferdig). Resultatliste.
Klubbmeister i hurtigsjakk: Harald!
Med solid spel gjennom heile truneringa tok Harald til slutt klubbmeisterskapen i hurtigsjakk. På dei 4 siste rundane var vi 5 bord, og vi ynskjer spesielt vår nye spelar Hans Fredrik Bræe velkomen til vidare spel. Resultatliste.