Forfatter: Sigurd Tjelmeland

Vi var 9 til den første økta i klubbmeisterskapen i hurtigsjakk. Espen gjekk gjennom utan tap, med Harald og Sigurd på dei neste plassane. På torsdag som kjem vert det ny hurtigsjakkturnering. Vi ynskjer spesielt Lars Kristiansen velkomen til vidare spel. Resultatliste.

Velkomen kl 1830. Vi startar semesteret med hurtigsjakkturnering to torsdagar på rad, og dei tel som klubbeisterskap i hurtigsjakk. Deretter vert det to Fischersjakkturneringar (også hurtigsjakk) for dei eventyrlystne. Mykje gaman i vente!

Vi var 4 bord på den siste hurtigsjakken før juleferien og Espen tok sigeren utan poengtap. Resultatliste. Runner-up Odd Arne tok andreplassen aleine. Pass opp for denne karen! No tek vi juleferie og brukar den til å trene såpass at vi kan tukte Espen utpå nyåret ein gong. Det har vore eit godt år for Løperen, med tilsig av trivelege sjakkvener og vi har hatt mange gode stunder saman. Kanskje nyåret vil sjå eit Løperen-lag i 1. divisjon? Kafesjakken held fram på tysdag, men det kan bli den siste før nyåret.

Det var 13 frammøte på hurtigsjakken. Espen gjekk ubeseira gjennom, Harald tok andreplassen. Mykje hugnadsfull sjakk, men og kompromisslause kampparti. No er det ei hurtigsjakturnering att før vi vier oss til julestria. Resultatliste.

Det vart litt mannefall denne gongen i høve til dei førre gongene, med 3 bord. Det vart to remisar og bare vår nye Fereidun sikra seg heilpoenget etter eit friskt parti mot Andreas. Morten rekna sikrast og stod att med lettoffiser over i partiet mot Odd Arne, men fordelen vitra vekk mot slutten. Ruben og Sigurd kjempa inn i seinkvelden og etter 73 trekk var det bare to betutta og lett slitne kongar att i eit hjørne av brettet. Ein god sjakkveld i Løperen denn gongen og. Resultatliste.

I runde 9 var det 5 bord og ingen remisar. Ingen WO – ein god kveld. Resultatliste. No er det to langsjakk-kveldar att før vi sluttar semesteret med to hurtigsjakkturneringar i desember. Den første helga i desember er det seriesjakk – Vi kjem tilbake til det.

Det kom to nye langsjakkspelarar, og vi ynskjer Eirik og Andreas hjarteleg velkomne. Vi vart også kjende med 5 gutar av 2001-årgangen, som tykte mest om kjappare sjakk og spelte 5-min lynsjakk seg i mellom. Vi må vurdere om vi skal ha ein hurtigsjakk sideturnering ved sida av langsjakken framover dersom dette oppmøtet held fram. 3 av partia i langsjakkturneringa enda remis, men Sverre og Jostein tok heilpoenga med besluttsomt spel. Resultatliste.

Dessverre vart det ein WO også i runde 7, og Espen måtte kose seg med å sjå på meir eller mindre tvilsam brikkemanøvrering hos oss andre. Partiet mellom Karl Erik og Odd Arne peika seg ut som uthaldande kampsjakk til siste slutt, men enda i remis. Resultatliste.

Det var 4 bord i sjette runde, og ingen WO. I eit parti med ubalanserte stillingar og sterk dynamikk vann Espen over Jostein og trygga leiinga. Morten og Toralv vart samde om remis, Reidar knekte Sigurd oppskriftsmessig (kva tid skal vi få has på denne Larsen?) og Lasse vann over Aliaksandra. God stemning som alltid i Løperen. Resultatliste.

I runde 5 vart Espen aleine i leiinga. I tillegg til Espen er Jostein ubeseira så langt. Vi var 5 bord denne gongen og, takka vere våre nye Magomed frå Tsjetsjenia og Aliaksandra frå Belarus. Resultatliste.

I runde 4 var det 5 bord, godt oppmøte. Dessverre vart det ein WO denne gongen og. Vi trivst godt med haustens tilsig: Mikael, John og Jostein. På torsdag som kjem er det ny langsjakk og torsdagen deretter (haustferien) er det hurtigsjakkturnering under leiing av Harald. Resultatliste.